Лінкі ўнівэрсальнага доступу

У Македоніі прайшоў мітынг супраць зьмяненьня назвы краіны


Больш за тысячу чалавек мітынгавалі ў сталіцы Македоніі Скоп’і супраць пагадненьня з суседняй Грэцыяй аб зьмене назвы краіны.

Удзельнікі сабраліся перад будынкам парлямэнту 18 лістапада.

Урад Македоніі 2 лістапада ўхваліў праект зьменаў у Канстытуцыю, якія прадугледжваюць зьмяненьне назвы краіны на Паўночную Македонію. Цяпер пакет паправак перададуць у парлямэнт для імплемэнтацыі. Гэта адбудзецца прыкладна ў студзені наступнага году.

У выпадку зацьвярджэньня зьмены назвы краіны ў парлямэнце Македоніі далей пагадненьне павінен ратыфікаваць парлямэнт Грэцыі, каб яно пачала дзейнічаць.

Увечары 19 кастрычніка парлямэнт Македоніі 80 галасамі «за» і 39 «супраць» прагаласаваў за прапанаваныя ўрадам зьмены — перайменаваньне краіны ў Паўночную Македонію.

Зьмена назвы краіны пакладзе канец спрэчцы Македоніі з суседняй Грэцыяй, якая ў адказ перастане блякаваць далучэньне Скоп’я да NATO і Эўразьвязу.

Атэны з часу абвяшчэньня незалежнасьці Рэспублікі Македоніі ад былой Югаславіі 1991 году не прызнаюць назвы краіны, таму што гэтаксама называецца традыцыйны рэгіён Македонія на поўначы Грэцыі. У Атэнах заяўляюць, што такая ж назва паўночнага суседа, зьяўляецца тэрытарыяльнай прэтэнзіяй Скоп’я на поўнач Грэцыі.

Грэцыя блякавала перамовы македонцаў аб уступленьні ў NATO і Эўразьвяз, цяпер жа гэтая дарога для рэспублікі можа быць адкрытая.

У канцы верасьня ў Македоніі прайшоў рэфэрэндум аб перайменаваньні. Больш за 90 адсоткаў выбарнікаў, якія прыйшлі на галасаваньне, выступілі за новую назву. Аднак празь нізкую яўку рэфэрэндум прызналі несапраўдным.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG