У цэнтры расейскага гораду Перм да слупа прывязалі пудзіла з тварам Пуціна. На лбе ў манэкена, апранутага ў турэмную робу, быў прылеплены аркуш паперы са словам «хлус». На грудзях — фраза «Ваенны злачынец Пыня В.В».
Неўзабаве да месца разьмяшчэньня інсталяцыі прыехалі супрацоўнікі Расгвардыі, затым паліцыянты і людзі ў цывільным. Прэс-служба МУС па Пермскім краі заявіла, што сілавікі шукаюць аўтара арт-аб’екта. Ужо былі дапытаныя некалькі мясцовых апазыцыйных актывістаў.