На кантрольна-прапускным пункце на ўскраіне Грознага адбыўся выбух, паведаміла Міністэрства ўнутраных справаў Чачні.
«У суботу ўвечары на ўскраіне Грознага невядомая маладая жанчына зьдзейсьніла самападрыў», — паведаміў журналістам выканаўца абавязкаў міністра ўнутраных справаў МУС Чачні Апці Алаўдзінаў.
Паводле яго, паліцыянты «заўважылі яе неадэкватныя паводзіны, папрасілі спыніцца і прад’явіць дакумэнты».
«Не выконваючы гэтае патрабаваньне, жанчына накіравалася да паста, у гэты момант паліцыянты заўважылі на ёй самаробнае выбуховае прыстасаваньне. У гэты момант быў зроблены папераджальны стрэл, — адзначыў Алаўдзінаў. — Дзяўчына ажыцьцявіла самападрыў».
Паводле яго, ахвяраў і пацярпелых няма ў сувязі з тым, што яе не падпусьцілі да супрацоўнікаў паліцыі.
Паводле крыніцы Інтэрфаксу, дзяўчына была з Дагестану.
