Сярод беларускай моладзі кожны сёмы зьяўляецца студэнтам. Да Міжнароднага дня студэнтаў Белстат апублікаваў статыстыку за 2017/2018 навучальны год.
Самая студэнцкая краіна ў СНД
Цягам мінулага году ў Беларусі навучалася 284 тыс. студэнтаў. У краіне працуе 51 ВНУ, 9 зь іх — прыватныя.
На 10 тыс. чалавек насельніцтва ў Беларусі прыходзіцца 315 студэнтаў, ва Ўкраіне — 314. Гэта найвялікшыя паказьнікі з краінаў СНД у 2017 годзе.
Як вучацца, дзе жывуць, ці маюць стыпэндыю?
У студэнцкім асяродку на 100 студэнтаў прыходзіцца 119 студэнтак.
5% усіх студэнтаў – замежнікі. 69% замежных студэнтаў прыехалі ў Беларусь з краінаў СНД.
Летась стыпэндыю на дзённай форме навучаньня атрымоўвалі 84 тыс. студэнтаў, гэта 30% ад агульнай колькасьці студэнтаў Беларусі.
Інтэрнат летась не атрымаў кожны пяты студэнт, якому было неабходна жытло.