Колькасьць ахвяраў лясных пажараў у Каліфорніі дасягнула 50 чалавек, большасьць зь іх загінулі ў раёне горада Парадайз, паведамляе AFP са спасылкай на шэрыфа акругі Б’ют Коры Гоні.
Чакаецца, што колькасьць загінулых можа павялічыцца, бо некалькі сотняў жыхароў Каліфорніі прапалі бязь вестак.
Лясныя пажары пачаліся ў Каліфорніі з 8 лістапада і прывялі да найбольшай колькасьці ахвяраў за ўсю гісторыю штату.
Згарэлі сотні квадратных кілямэтраў лесу, разбураны тысячы дамоў, эвакуяваны сотні тысяч людзей. Пры гэтым перамагчы стыхію пакуль не атрымліваецца: напярэдадні мясцовыя ўлады выказалі здагадку, што на тушэньне агню можа спатрэбіцца тры тыдні.
12 лістапада прэзыдэнт ЗША Дональд Трамп увёў на тэрыторыі Каліфорніі рэжым надзвычайнага становішча.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў