Канцлер Нямеччыны Ангела Мэркель заклікала дэпутатаў Эўрапарлямэнта стварыць адзінае эўрапейскае войска.
«Мы павінны працаваць над гэтым», — заявіла яна ў аўторак. Яе словы цытуе «Эўраньюс».
Толькі больш моцная Эўропа будзе здольная абараніць свае каштоўнасьці, заявіла канцлер.
«Мы павінны ўзяць наш лёс у свае рукі», — заявіла яна.
Сваёй прапановай палітык падтрымала прэзыдэнта Францыі Эманюэля Макрона, які прапанаваў у канцы верасьня ідэю аб стварэньні адзінай арміі ЭЗ. Мы павінны абараняць сябе ад Кітая, Расіі і нават ЗША, — заявіў ён пазьней у інтэрвію тэлеканалу Эўропа-1.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў