Фэстываль плову «Ошы палаў», які 10 лістапада праходзіў у парку імя Фірдаусі ў Душанбэ, скончыўся скандалам. Пасьля таго, як чыноўнікі і арганізатары сьвята зрабілі прамовы ў гонар самага вялікага ў гісторыі горада плову, а высокапастаўленыя госьці пакінулі фэстываль, арганізатары зьнялі міліцэйскія кардоны вакол казана, дзе было каля тоны плову. Галодны натоўп неадкладна накінуўся на казан і пачаў есьці плоў наўпрост рукамі.
Мэрыя Душанбэ выказала шкадаваньне з нагоды «ганебных паводзін» жыхароў горада, а адзін з чыноўнікаў паведаміў таджыцкай службе Радыё Свабода, што «некаторыя ўдзельнікі гэтага ўбогага відовішча ўжо пакараныя». Але колькі менавіта людзей былі прыцягнуты да адміністрацыйнай адказнасьці за парушэньне грамадзкага парадку падчас фэстывалю.
Відэа з фэстывалю выклікала бурную рэакцыю карыстальнікаў сетак.
