Генэральны пракурор Украіны Юры Луцэнка заявіў, што падасьць заяву аб адстаўцы. Пра гэта ён сказаў у ходзе выступу ў парлямэнце, перадае РБК-Украіна.
Луцэнка заявіў, што ўкраінскі парлямэнт павінен разгледзець яго заяву на гэтым тыдні. «Усё, што я абяцаў Кацярыне Гандзюк ў бальніцы, рабілася і будзе рабіцца», — сказаў ён.
4 лістапада ў бальніцы ў Кіеве памерла актывістка Кацярына Гандзюк, на якую 31 ліпеня быў учынены напад — яе аблілі сернай кіслатой. Знаходзячыся ў лякарні, Гандзюк запісала відэазварот да ўладаў Украіны, у якім нагадала, што за апошні год ахвярамі нападаў сталі каля 40 грамадзкіх актывістаў, а іх заказчыкі не былі знойдзеныя.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў