Лінкі ўнівэрсальнага доступу

Рэфэрэндум у Новай Каледоніі вырашыць пытаньне пра незалежнасьць


Новая Каледонія

У Новай Каледоніі сёньня праводзіцца рэфэрэндум па пытаньні аб дзяржаўнай незалежнасьці ад Францыі, паведамляе Бі-бі-сі.

Плебісцыт ініцыяваны мясцовымі сэпаратыстамі — прадстаўнікамі карэнных народаў. Галасаваньне завяршылася ў 10 гадзін раніцы па менскім часе. Яго вынікі абвесьцяць у бліжэйшыя гадзіны.

Большасьць апублікаваных перад галасаваньнем сацапытаньняў паказвалі на тое, што перамогуць прыхільнікі знаходжаньня тэрыторыі ў складзе мэтраполіі.

Новая Каледонія далучана да Францыі ў 1853 годзе. Эканоміка рэгіёну грунтуецца на здабычы нікелю, турызьме і фінансавых субсыдыях ад Францыі.

Штогод францускія ўлады накіроўваюць на тэрыторыю ў Ціхім акіяне з насельніцтвам 275 тысяч чалавек 1,5 мільярда даляраў. Новая Каледонія зьяўляецца адміністрацыйна-тэрытарыяльным утварэньнем Францыі з асаблівым статусам.

У апошні раз рэфэрэндум аб незалежнасьці Новай Каледоніі ад Францыі праводзіўся ў 1998 годзе, але меў адмоўны вынік.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG