Лінкі ўнівэрсальнага доступу

На #БНР101 запішуць «адказ маладых музыкаў» на «Народны альбом» і «Я нарадзіўся тут»


Стваральнік Symbal.by і адзін з арганізатараў #БНР100 шукае вершы, песьні на якія могуць увайсьці ў альбом.

Да Дня Волі 2019 году, на 101-ю гадавіну абвяшчэньня незалежнасьці Беларускай Народнай Рэспублікі, рыхтуецца «мэгаамбіцыёзны музычны праект», расказаў на Facebook дырэктар крамы Symabal.by і адзін з арганізатараў мітынгу-канцэрту на #БНР100 Павал Белавус.

Ён просіць прапанаваць патрыятычныя вершы беларускіх аўтараў (як клясыкаў, так і сучасных), якія маглі бы стаць песьнямі ў праекце — дапускае, што ёсьць нямала невядомых яму і камандзе добрых вершаў, якія варта пакласьці на музыку.

Дэталёва пра праект, а таксама пра музыкаў, якія ў ім возьмуць удзел, Белавус абяцае расказаць за 100 дзён да 25 сакавіка — тады будзе прэзэнтаваная першая песьня з праекту.

Пакуль жа, кажа Белавус Свабодзе, ідзе першы этап: адбор вершаў для песьняў і кансультацыі з музыкамі. Але ён перакананы, што праект прадэманструе «пераемнасьць ад тых альбомаў, што запісвалі N.R.M, Krama, Neuro Dubel, супольных праектаў як „Народны альбом“ і „Я нарадзіўся тут“».

«Гэта будзе такі адказ ад новага пакаленьня музыкаў з выкарыстаньнем найлепшага, што стваралася ў беларускай літаратуры, — перакананы Белавус. — Калі ўсё будзе добра, калі дадуць у наступным годзе правесьці канцэрт на Дзень Волі, мы хочам, каб гэты музычны праект стаў галоўнай разынкай сьвяточнай праграмы».

На папярэдні Дзень Волі Белавус, а таксама Антон Матолька, Эдуард Пальчыс і іншыя актывісты арганізавалі на сабраныя талакой грошы мітынг-канцэрт «Сьвята незалежнасьці» ля менскага Опэрнага тэатру, дзе выступалі Akute, Dzieciuki, «Разьбітае сэрца пацана», Ігар Варашкевіч (Krama), Юры Стыльскі («Дай дарогу!»), Кася Камоцкая («Новае Неба») Пятро Клюеў і іншыя.

Твары, сьцягі, затрыманьні. Дзень Волі — 2018 пад песьню «Будзь разам з намі»
пачакайце

No media source currently available

0:00 0:02:07 0:00

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG