Лінкі ўнівэрсальнага доступу

Прэзыдэнт Манголіі гатовы галадаць, каб распусьціць парлямэнт


Прэзыдэнт Манголіі Халтмаагійн Батулга

Прэзыдэнт Манголіі Халтмаагійн Батулга можа аб’явіць галадоўку, калі парлямэнт краіны адмовіцца самараспускацца. Пра гэта ён заявіў у эфіры мясцовага тэлеканалу, паведамляе Bloomberg.

Калі прэзыдэнта спыталі, што ён будзе рабіць пасьля таго, як папросіць парлямэнт распусьціцца, ён адказаў: «Галодная забастоўка?»

«Гэта тая сцэна, на якой мы цяпер знаходзімся. Я спрабаваў розныя варыянты, накіроўваў прапановы, мы абмеркавалі гэтае пытаньне», — дадаў Батулга.

29 кастрычніка Батулга накіраваў у парлямэнт ліст, у якім прапанаваў датэрмінова распусьціць Вялікі народны хурал. У дакумэнце адзначаецца, што парлямэнт ня выканаў абяцаньні, якія ён даваў падчас выбараў у 2016 годзе, і дапускаў парушэньне законаў. У лісьце Батулга гаворыць, што «чальцы парлямэнту, вырашыўшы разьмяркоўваць бюджэт, грунтуючыся на вузкіх інтарэсах, ставяцца да эканомікі краіны легкадумна, выкарыстоўваюць свае ўладу і ўплыў у асабістых інтарэсах і эксплюатуюць прынцыпы канстытуцыі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG