Лінкі ўнівэрсальнага доступу

Трамп хоча скасаваць права на грамадзянства дзецям замежнікаў, народжаным у ЗША 


Дональд Трамп

Прэзыдэнт ЗША Дональд Трамп мае намер сваім указам скасаваць заканадаўчае правіла, якое дазваляе дзецям, якія нарадзіліся на тэрыторыі Злучаных Штатаў у замежных грамадзян, атрымліваць амэрыканскае грамадзянства. Пра гэта кіраўнік Белага дому заявіў у інтэрвію дакумэнтальнай праграме Axios, якая выйдзе ў сьвет на тэлеканале HBO у гэтую нядзелю.

Паводле цяперашніх амэрыканскіх законаў, дзіця, якое нарадзілася на тэрыторыі ЗША, мае права на амэрыканскае грамадзянства, незалежна ад грамадзянства бацькоў.

14-я папраўка да Канстытуцыі ЗША сфармуляваная такім чынам:

«Усе асобы, народжаныя ці натуралізаваныя ў Злучаных Штатах, падпадаюць пад іх юрысдыкцыю, ёсьць грамадзянамі Злучаных Штатаў і таго Штату, у якім яны пражываюць».

Калі Трамп паспрабуе сваім указам скасаваць права на грамадзянства па нараджэньні, дык гэты крок, верагодна, аспрэчаць у судах. Многія юрысты лічаць, што для такога скасаваньня патрэбная новая папраўка ў Канстытуцыі ЗША. Але некаторыя кансэрватары лічаць, што цяперашняя папраўка пакідае прастору для розных юрыдычных інтэрпрэтацый.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG