Дата дня
26 кастрычніка 1959 году нарадзіўся беларускі паэт Анатоль Сыс.
Таксама ў гэты дзень
1795 ― адбыўся трэці падзел Рэчы Паспалітай.
1822 — пайшоў у школу Ганс Крыстыян Андэрсан. Будучаму пісьменьніку было на той момант 17 гадоў. Звычайна на такія дэталі біяграфіі зьвяртаюць увагу, каб лішні раз пераканацца, што не адныя вундэркінды дамагаюцца ў жыцьці вялікіх посьпехаў і робяцца славутымі творцамі. Пачаць ніколі ня позна.
1863 — у Жэнэве ўтвораны Міжнародны Чырвоны Крыж.
1947 — праведзеная самая масавая дэпартацыя ўкраінцаў з Заходняй Украіны (каля 78 тысяч чалавек).
1962 — падчас Карыбскага крызісу савецкі лідэр Мікіта Хрушчоў пагадзіўся на вяртаньне ў СССР караблёў, якія везьлі на Кубу ядзерную зброю.
У гэты дзень нарадзіліся
1685 — італьянскі кампазытар Дамэніка Скарлаці, аўтар 555 санат для фартэпіяна.
1759 — Жорж Жак Дантон, правадыр францускіх якабінцаў.
1810 — беларускі скульптар і змагар за незалежнасьць Генрых Дмахоўскі. Пасьля сканчэньня Віленскага ўнівэрсытэту ён вучыўся ў Францыі, адкуль адправіўся ў ЗША. Там Дмахоўскі стварыў скульптурныя партрэты Тадэвуша Касьцюшкі і амэрыканскага прэзыдэнта Томаса Джэфэрсана. Гэтыя бюсты і сёньня ўпрыгожваюць памяшканьне Кангрэсу ЗША. Вярнуўшыся на радзіму акурат у часе паўстаньня Каліноўскага, Дмахоўскі стаў паўстанцкім камісарам Дзісенскага павету. Вясною 1863 году ён загінуў у баі каля вёскі Парэчча пад Барысавам.
1870 ― Надзея Яноўская, гераіня дэтэктыўнай аповесьці «Дзікае паляваньне караля Стаха» Ўладзімера Караткевіча.
1888 — Нестар Махно, украінскі рэвалюцыянэр, лідэр анархісцкага руху
1916 — прэзыдэнт Францыі Франсуа Мітэран, які кіраваў сваёй краінай два тэрміны па 7 гадоў (1981-1995).
У памяці
1764 — ангельскі мастак Уільям Хогарт, ілюстратар, гравёр і тэарэтык мастацтва.
1806 — Шарль Агюстэн Кулён, францускі фізык і вайсковы інжынэр, які ў 1785 годзе экспэрымэнтальна ўсталяваў асноўны закон электрастатыкі (закон Кулёна).
1855 — расейскі перакладчык беларускага паходжаньня Міхаіл Урончанка. Перакладаў Шэксьпіра, Байрана, Гётэ.
1937 ― Юзэф Доўбар-Мусьніцкі, польскі вайсковы дзяяч, генэрал-лейтэнант расейскага войска, генэрал броні, кіраўнік паўстаньня вялікапольскага.
1972 — Ігар Сікорскі, авіяканструктар, стваральнік першых у сьвеце верталётаў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў