Вайсковыя караблі Вялікабрытаніі праводзяць апэрацыю ў праліве Ля-Манш у сувязі з праходам чатырох караблёў расейскага Ваенна-марскога флёту ў Паўночную Атлянтыку, піша ў аўторак Daily Star.
Пра гэта газэце распавёў неназваны прадстаўнік брытанскіх ВМС. Ён адмовіўся паведамляць падрабязнасьці зь меркаваньняў сакрэтнасьці.
Пасольства Расеі ў Лёндане запэўніла, што расейскія вайсковыя караблі пры праходжаньні праз Ля-Манш не ствараюць пагрозы Вялікабрытаніі і дзейнічаюць у адпаведнасьці зь міжнародным правам.
Газэта зьвяртае ўвагу на тое, што апэрацыя праходзіць на фоне абвастрэньня напружанасьці паміж краінамі. Брытанскае кіраўніцтва абвінавачвае Крэмль у арганізацыі атручваньня былога шпіёна расейскай выведкі Сяргея Скрыпаля і яго дачкі на тэрыторыі ангельскага горада Солсбэры.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў