Былога дырэктара Жыткавіцкага маторабудаўнічага заводу 22 кастрычніка асудзілі на 9 гадоў турмы са штрафам 7350 рублёў.
Гомельскі абласны суд прызнаў яго вінаватым у злоўжываньні ўладай і атрыманьні хабару, гэта адбывалася цягам 2008–2015 гадоў. За гэты час ён атрымаў 149 500 даляраў.
Паводле суду былы дырэктар заводу дамаўляўся вырашаць пытаньні замежных кампаніяў за ўзнагароду ў 5% ад кошту зьдзелкі з маторабудаўнічым заводам.
Усю маёмасьць асуджанага канфіскавалі.
Прысуд не набыў моц і можа быць абскарджаны.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў