Лінкі ўнівэрсальнага доступу

Свая «фабрыка троляў» ёсьць ня толькі ў Расеі


Эмблема на дзьвярах консульства Савудаўскай Аравіі ў Стамбуле. 13 кастрычніка 2018 года
Эмблема на дзьвярах консульства Савудаўскай Аравіі ў Стамбуле. 13 кастрычніка 2018 года

Савудаўскія ўлады фінансуюць уласную «фабрыку троляў» для барацьбы з супернікамі манархіі ў інтэрнэце, паведамляе The New York Times.

Ініцыятарам праекта, разгорнутага яшчэ ў 2010 годзе пасьля «арабскай вясны», стаў насьледны прынц каралеўства Мухамэд бін Салман. «Фабрыку» узначаліў яго былы дарадца, піша газэта.

Адзначаецца, што сотні людзец працуюць праз Twitter, WhatsApp і Telegram, запалохваючы савудаўскіх апазыцыянэраў на радзіме і па ўсім сьвеце. Тролі займаюцца галоўным чынам тэмамі Емэну і правамі жанчын у мусульманскіх краінах. Супрацоўнік гэтай арганізацыі зарабляе прыкладна 3 тысячы даляраў у месяц.

Апазыцыйны журналіст Джамаль Хашокджы забіты тры тыдні таму ў Савудаўскім консульстве, асабіста змагаўся з гэтай «фабрыкай», піша выданьне. У мінулым месяцы ён пералічыў 5 тысяч даляраў актывістам, якія супрацьстаяць савудаўскім тролям.

Упершыню аб «фабрыцы троляў» загаварылі ў дачыненьні да расейскага «Агенцтва інтэрнэт-расьследаваньняў», якое, па вэрсіі амэрыканскіх уладаў, умяшалася ў прэзыдэнцкія выбары ў ЗША ў 2016 годзе.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG