Лінкі ўнівэрсальнага доступу

Дзярждэп ЗША назваў «нават Беларусь» часткай антыімпэрскага муру


Памочнік дзяржсакратара ЗША ў справах Эўропы і Эўразіі Уэс Мітчэл

ЗША назвалі прынцыпы сваёй новай палітыкі ва Ўсходняй і Цэнтральнай Эўропе. Асноўнымі супернікамі ЗША ў гэтым рэгіёне зьяўляюцца Расея і Кітай, заявіў памочнік дзяржсакратара ЗША. Вашынгтон будзе даваць эўрапейскім краінам прыклад дэмакратыі, але і дамагацца таго, каб яны не патуралі Маскве.

На працягу доўгага часу Захад не ўспрымаў канкурэнцыю за ўплыў ва Ўсходняй Эўропе, заявіў памочнік дзяржсакратара ЗША ў справах Эўропы і Эўразіі Уэс Мітчэл. Запіс выступу Мітчэла на мерапрыемстве Атлянтычнай Рады — амэрыканскага экспэртнага цэнтру па міжнародных справах — выкладзены ў Twitter.

Стратэгія ЗША ў адносінах да Цэнтральнай і Ўсходняй Эўропы заснаваная на наступных прынцыпах, сказаў чыноўнік.

  • Вашынгтон, па-першае, будзе дамагацца «пазытыўнага ўплыву» за мяжой з дапамогай свайго іміджу. «Амэрыка — магутная дэмакратыя, яркі маяк волі, чыё сьвятло прыцягвае іншых», — патлумачыў Мітчэл.
  • Другі прынцып — ЗША чакаюць, што краіны, якім Амэрыка дапамагае, «ня будуць патураць супернікам». «Заходняя Эўропа ня можа працягваць узмацняць сваю энэргетычную залежнасьць ад той самай Расеі, ад якой яе абараняе Амэрыка», — прывёў прыклад дыплямат. Непрымальна, што саюзьнікі ЗША ў Цэнтральнай Эўропе падтрымліваюць энэргетычныя праекты накшталт «Паўночнага патоку-2», дадаў ён. Гэта робіць увесь рэгіён больш уразьлівым перад Расеяй.
  • Трэці прынцып: ЗША будуць паважаць тэрытарыяльную цэласнасьць і сувэрэнітэт саюзьнікаў — Украіны, Грузіі «і нават Беларусі», «муру супраць расейскага нэаімпэрыялізму».

Вашынгтон чакае, што дзяржавы будуць паважаць правы сваіх суседзяў. «Мы не прызнаем тэрытарыяльную агрэсію Расеі супраць суседняй Украіны, і мы не прымаем драпежніцкага ціску Кітаю праз пазыкі Цэнтральнай і Ўсходняй Эўропе», — дадаў Мітчэл.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG