Лінкі ўнівэрсальнага доступу

У Менску на станцыю мэтро «Кастрычніцкая» выклікалі сапэраў. ФОТА


Пераход паміж станцыямі мэтро «Купалаўская» і «Кастрычніцкая»

Раніцай 17 кастрычніка станцыю мэтро «Кастрычніцкая» закрылі для пасажыраў, цягнікі не спыняюцца. Станцыя не працавала 50 хвілінаў.

Абноўлена а 10:30: «Кастрычніцкую» адчынілі для пасажыраў. У торбе, праз якую станцыю зачынілі, выявілі рэчы, што менавіта — не ўдакладняецца. Мэтро працуе ў штатным рэжыме.

Лесьвіцу на «Кастрычніцкай» аглядалі спэцыялісты, перадае карэспандэнт Свабоды. У гэты час працягвала працаваць станцыя «Купалаўская», якая злучаецца з «Кастрычніцкай» пераходамі.

Пасажырам раілі скарыстацца наземным транспартам.

Натоўп людзей на прыпынку ля выхаду са станцыі мэтро «Кастрычніцкая»
Натоўп людзей на прыпынку ля выхаду са станцыі мэтро «Кастрычніцкая»

29 верасьня першую (сінюю) лінію менскага мэтро закрылі для пасажыраў. Афіцыйная прычына: у перагоне паміж станцыямі «Плошча Леніна» і «Інстытут культуры» спыніўся цягнік. Пасажыры казалі пра сутыкненьне двух цягнікоў, пра гэта казаў і колішні супрацоўнік мэтро.

У гадзіну пік 11 красавіка 2011 на станцыі Кастрычніцкай адбыўся выбух. Загінулі 15 чалавек, двух асуджаных па справе тэракту ў мэтро расстралялі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG