Экспэрты лічыць, што апублікаваныя зьвесткі павінны паслужыць «званком для абуджэньня» палітыкаў, паведамляе Reuters.
Урад ЗША завяршыў 2018 фінансавы год з дэфіцытам у 779 мільярдаў даляраў — найбуйнейшым за апошнія шэсьць гадоў, паводле дадзеных, апублікаваных Міністэрствам фінансаў.
Гэта можна растлумачыць тым, што ініцыяванае рэспубліканцамі скарачэньне падаткаў прывяло да зьніжэньня даходаў, а рост выдаткаў адбіўся на дзяржаўным доўгу.
Новыя выдаткі ўраду таксама прывялі да павелічэньня фэдэральнага дэфіцыту за 12-месячны пэрыяд, які завяршыўся 30 верасьня — першы поўны штогадовы бюджэт, выкананы падчас прэзыдэнцтва Дональда Трампа.
Гэта найбуйнейшы дэфіцыт з 2012 году.
Апублікаваныя дадзеныя таксама паказалі прафіцыт бюджэту ў 119 мільярдаў даляраў, дасягнуты ў верасьні. Ён стаў большым, чым чакалася, і рэкордным для гэтага месяца.
Цэнтар дзьвюхпартыйнай палітыкі назваў апублікаваную справаздачу «званком для абуджэньня» палітыкаў, які заклікае да зьмены сытуацыі.
«Той факт, што наш урад набліжаецца да трыльёна дэфіцыту ў разгар пашырэньня эканомікі, павінна стаць сур’ёзным пытаньнем для выбарнікаў і кандыдатаў на маючых адбыцца выбарах у Кангрэс», — заявіў віцэ-прэзыдэнт цэнтру Ўільям Гоґланд.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў