На выбарах дэпутатаў у лантаг (зямельны парлямэнт) Баварыі 14 кастрычніка Хрысьціянска-сацыяльны саюз (ХСС) страціў абсалютную большасьць і мусіць шукаць партнэра для фармаваньня ўрадавай кааліцыі.
Паводле прэм'ер-міністра Баварыі і чальца ХСС Маркуса Зэдэра, ягоная партыя гатовая да перамоваў з усімі партыямі, акрамя «Альтэрнатывы для Нямеччыны». Прыярытэтны кірунак саюзьнікаў – «цэнтрысцкі альянс», перш за ўсё – рэгіянальная партыя «Свабодных выбарнікаў».
На момант закрыцьця выбарчых участкаў яўка складала больш за 70%. Аналягічны паказьнік 5 гадоў таму быў на 10% меншы. У Баварыі права голасу маюць 9,5 млн чалавек.
У лантагу Баварыі 180 месцаў.
