Лінкі ўнівэрсальнага доступу

ЗША перахапілі перамовы савудаўцаў пра выкраданьне журналіста


Савудаўскі апазыцыйны журналіст Джамаль Хашокджы выступае ў Лёндане, 29 верасьня 2018
Савудаўскі апазыцыйны журналіст Джамаль Хашокджы выступае ў Лёндане, 29 верасьня 2018

ЗША перахапілі перамовы саудаўскіх чыноўнікаў, якія абмяркоўвалі пляны выкраданьня і вывазу на радзіму апазыцыйнага журналіста Джамаля Хашокджы, які зьнік 2 кастрычніка.

Пра гэта паведамляе CNN са спасылкай на крыніцу ў амэрыканскай выведцы. Суразмоўца тэлеканалу растлумачыў, што ў Вашынгтону няма інфармацыі аб тым, ці жывы Хашокджы.

Амэрыканскія ўлады дапускаюць, што апэрацыю выкраданьня журналіста загадаў правесьці насьледны прынц Савудаўскай Арабіі Мухамэд бін Салман. Адзначаецца, што ён мог зрабіць гэта ў адплату за крытыку з боку Хашокджы, аднак недаацаніў міжнародныя палітычныя наступствы свайго рашэньня.

Прэзыдэнт Дональд Трамп дапусьціў магчымасьць блякаваньня паставак узбраеньняў савудаўскім уладам у выпадку, калі выявіцца іх дачыненьне да зьнікненьня журналіста. Адначасова кіраўнік Белага дому ня ўбачыў прычын для спыненьня інвэстыцый у Савудаўскую Аравію, перадае Reuters.

Напярэдадні турэцкія СМІ апублікавалі здымкі меркаваных вінаватых знікненьня савудаўскага журналіста Хашокджы.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG