На Месяц на вечнае захоўваньне ў хуткім часе будзе адпраўлена так званая капсула часу з сынтэтычнымі малекуламі ДНК, у якіх будуць разьмешчаны зьвесткі аб чалавечай цывілізацыі.
Над праектам «каўчэг» працуюць амэрыканскі «Фонд за захаваньне спадчыны» (Arch Foundation Mission) сумесна з Microsoft, Twist Bioscience Corporation і Вашынгтонскім унівэрсытэтам.
Адпраўка на Месяц першага сховішчы дадзеных аб нашай цывілізацыі заплянаваная на 2020 год. Гаворка ідзе пра фотавыявы людзей, пра тэксты і найважнейшыя аб’екты культуру. Яны будуць закадаваныя ў мільярды сынтэтычных ДНК-малекул і зьмешчаныя ў прыладу разам з інструкцыяй для расшыфроўкі ДНК.
Зьмешчаныя ў капсуле дадзеныя стануць першай у гісторыі «Калекцыяй Месяцовай бібліятэкі», паведамляюць ініцыятары і ўдзельнікі праекту.
Arch Foundation Mission — амэрыканская некамэрцыйная арганізацыя, якая стварае множныя рэзэрвовыя сховішчы ведаў, назапашаных чалавецтвам аб Зямлі і Сонечнай сыстэме. Фонд быў заснаваны ў 2015 годзе.
