Лінкі ўнівэрсальнага доступу

Паліцыя ўзяла пад ахову жонку зьніклага прэзыдэнта Інтэрполу


Мэн Хунвэй.

Француская паліцыя ўзяла пад ахову жонку зьніклага ў Кітаі прэзыдэнта Інтэрполу Мэна Хунвэя. Пра гэта паведамляе брытанская газэта Independent. Раней жонка чыноўніка паведаміла, стала атрымліваць пагрозы па тэлефоне і ў сацыяльных сетках.

Аб зьнікненьні кіраўніка Інтэрполу стала вядома 5 кастрычніка. СМІ паведамілі, што ў паліцыю зьвярнулася ягоная жонка, якая жыве ў Ліёне. Паводле яе слоў, чыноўнік паехаў у Кітай пры канцы верасьня і перастаў выходзіць на сувязь.

Ганконская прэса паведаміла 5 кастрычніка, што прэзыдэнт Інтэрполу, хутчэй за ўсё, затрыманы кітайскімі ўладамі, бо знаходзіцца пад сьледзтвам. Сьцьвярджаецца, што паліцыя магла выклікаць яго на допыт адразу пасьля прылёту ў краіну. Француская газэта Le Monde мяркуе, што затрыманьне Хунвэй зьвязана з барацьбой за ўплыў у кітайскіх кіруючых колах.

МУС Францыі накіравала ў Пэкін запыт аб месцазнаходжаньні чыноўніка. Але адказу пакуль не атрымала.

Мэн Хунвэй узначаліў Інтэрпол два гады таму. Ён стаў першым прадстаўніком Кітая на гэтай пасадзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG