Увечары 26 верасьня ў холе 4-га паверху гатэлю «Юбілейны» ў Менску знайшлі зьмяю.
Ратавальнікі злавілі жывёліну, гэта, як выявілася, быў маісавы полаз альбінос. Зьмяю адвезьлі ў заапарк, дзе яна застанецца, пакуль ня знойдзецца гаспадар.
Свабода пісала, што 15 жніўня на тэрыторыі ясьляў-садка № 292 у Менску злавілі тыгровага пітона. Пазьней гаспадара зьмяі аштрафавалі двойчы агулам на 490 рублёў за:
- парушэньне правілаў утрыманьня рэптыліі;
- адсутнасьць рэгістрацыі экзатычнай зьмяі паводле заканадаўства.
