24 верасьня з дзіцячым садку-ясьлях № 5 «Сонейка» ў Заслаўі пачаўся пажар, паведамляецца на сайце Міністэрства ў надзвычайных сытуацыях. Адбылася эвакуацыя 139 дзяцей, іх перавялі ў сярэднюю школу № 2. Пацярпелых не было.
Паводле МНС, у выніку пажару была пашкоджаная столь ў памяшканьні на плошчы 80 квадратных мэтраў. Папярэдняя прычына пажару — кароткае замыканьне сьвяцільніка.