Піраты ля ўзьбярэжжа Нігерыі выкралі 12 чальцоў экіпажу швайцарскага судна, уключаючы работнікаў зь Філіпінаў, Славеніі, Украіны, Румыніі, Харватыі і Босьніі.
Чальцоў экіпажу выкралі 22 верасьня, калі карабель накіроўваўся з гораду Лаґас у Порт-Гаркарт.
23 верасьня Нігерыйскае агенцтва марскога ўпраўленьня і бясьпекі (NIMASA) паведаміла, што сем з выкрадзеных былі зь Філіпінаў, і яшчэ па адным чалавеку са Славеніі, Украіны, Румыніі, Харватыі і Босьніі.
Выкраданьне дзеля выкупу — гэта агульная праблема для некаторых рэгіёнаў Нігерыі. За апошнія некалькі гадоў было выкрадзена некалькіх іншаземцаў у паўднёвым рэгіёне дэльты Нігера, якая зьяўляецца асноўнай крыніцай нафты — асновай эканомікі Заходняй Афрыкі.