У сталіцы Азэрбайджану Баку 23 верасьня адбылася вывяржэньне гразевага вулькана Отман-Боздаг, які зьяўляецца другім паводле велічыні гразевым вульканам у сьвеце, паведамляе Міністэрства экалёгіі і прыродных рэсурсаў Азэрбайджану.
Вулкан Отман-Боздаг разьмешчаны ў Гарадагзкім раёне Баку на тэрыторыі дзяржаўнага запаведніка групы гразевых вульканаў.
Паводле Міністэрства, адбылося два вывяржэньні: першае — а 08:53 паводле мясцовага часу. «Паўторнае вывяржэньне вулькана было зарэгістравана а 09:58. Вышыня выкіду бруду склала 200-300 мэтраў. На навакольнай тэрыторыі ўзьніклі шматлікія шчыліны глыбінёй да 40 мэтраў», — гаворыцца ў паведамленьні.
У Міністэрстве адзначылі, што ваколіцы гразевага вулькана ня заселеныя, пацярпелых няма.
Папярэдняе вывяржэньне Отман-Боздага адбылося 6 лютага 2017.