Лінкі ўнівэрсальнага доступу

Жыхары Сьветлагорску сьвяткуюць Дзень гораду з чорнымі шарамі


Фатаздымкі дасланыя на РС ананімнымі ўдзельнікамі Сьвята гораду
Фатаздымкі дасланыя на РС ананімнымі ўдзельнікамі Сьвята гораду

У Сьветлагорску сёньня сьвята — Дзень гораду. Частка мясцовых жыхароў прыйшла на афіцыйныя мерапрыемствы ў мэдыцынскіх масках і з чорнымі паветранымі шарамі.

«Пасьля флэшмобу ў мінулую суботу ўлады правялі „растлумачальную працу“ па школах, арганізацыях і прадпрыемствах. Людзей застрашвалі, каб яны ні ў якім разе не прыходзілі на сьвята гораду з зялёнымі шарамі. Менавіта пад такімі колерамі шароў прайшоў флэшмоб. Тады людзі вырашылі, мусіць, прыйсьці з чорнымі шарамі», — патлумачыла праваабаронца Алена Масьлюкова.

Таксама ўдзельнікі акцыі выйшлі на сьвята ў мэдыцынскіх масках. Такім чынам яны выказалі сваё абурэньне шкоднымі выкідамі і смуродам з новага кітайскага заводу.

Тыдзень таму каля 200 сьветлагорцаў зладзілі флэшмоб на цэнтральнай плошчы.

Пазьней міліцыя склала пратаколы на грамадзкага актывіста Анатоля Зьмітровіча і праваабаронцу Алену Масьлюкову. Іх міліцыя палічыла адказнымі за флэшмоб. РАУС прызнаў яго «несанкцыянаваным масавым мерапрыемствам».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG