Некалькі чалавек забітыя, прынамсі 20 чалавек параненыя ў выніку тэракту на вайсковым парадзе ў горадзе Ахваз на поўдні Ірану. Сярод пацярпелых – жанчына і дзіця.
Невядомыя баевікі дзесяць хвілін стралялі па людзях падчас параду. Паводле відавочцаў, яны былі апранутыя ў вайсковую форму і адкрылі агонь з парку, што паблізу, перадае BBC.
Дзяржаўная тэлерадыёкампанія «Голас Ісламскай рэспублікі Іран» назвала нападнікаў тэрарыстамі-такфірыстамі, перадае агенцтва Mehr. Гэты тэрмін ужываецца іранскімі ўладамі ў дачыненьні да чальцоў групоўкі ІДзІЛ, нагадвае канал «Аль-Джазіра».
На месца здарэньня выехалі мэдыкі. Па паведамленьнях афіцыйных іранскіх СМІ, супрацоўнікі органаў правапарадку зьнішчылі чацьвярых або пецярых баевікоў, перадае Press TV.
Вайсковы парад у Ахвазе быў прымеркаваны да памятнай даты – дня пачатку Ірана-ірацкай вайны 1980-1988 гадоў.