Мазырскага жывадзёра раней асудзілі за падпал праваслаўнага храма

Ілюстрацыйнае фота
Ілюстрацыйнае фота

Лефортаўскі раённы суд Масквы ў Расеі ўзяў пад варту жыхара Мазыра, якога абвінавачваюць у «жорсткім абыходжаньні з жывёламі». Цяпер вырашаецца пытаньне аб яго экстрадыцыі ў Беларусь, піша Сьледчы камітэт.

Што адбылося?

На пачатку верасьня Сьледчы камітэт абвясьціў у вышук раней судзімага мазырчука 1990 году нараджэньня. Яго абвінавачваюць у жорсткім абыходжаньні з жывёламі.

14 верасьня яго затрымалі ў Падмаскоўі разам з 22-гадовай грамадзянкай Расеі, якую таксама абвінавачваюць у аналягічным злачынстве.

У чым абвінавачваюць?

Паводле СК Беларусі непрацуючы мазырчук калечыў жывёлаў і запісваў гэта на відэа. Запісы пасьля зьмяшчаў у інтэрнэце. Сьледзтву вядома пра 4 такіх выпадкі.

Асудзілі за падпал царквы, прымусова лячылі

Суд Мазырскага раёну ў 2007 годзе асудзіў абвінавачанага ў жывадзёрстве на 7 гадоў калёніі за падпал праваслаўнай царквы ў Мазыры.

Яго вызвалілі ў 2012 годзе, а пасьля затрымалі за апаганьваньне двух мазырскіх храмаў. Сярод сваіх матываў мазырчук назваў варожае стаўленьне да хрысьціянства. У 2013 годзе паводле судовага рашэньня да яго ўжылі прымусовыя меры бясьпекі і лячэньня. Пасьля затрыманьня ў Расеі мазырчук казаў, што:

  • Стаіць на ўліку ў міліцыі і псыхіятрычным дыспансэры;
  • 5 гадоў прымусова лячыўся ў псыхіятрычным шпіталі.

​
XS
SM
MD
LG