Паліцыя паведаміла пра чалавека, які распачаў страляніну ў офісным будынку ў мястэчку Мідэлтан у амэрыканскім штаце Вісконсін.
Выданьне Milwaukee Journal Sentinel паведаміла, што будынак ачэплены паліцыяй і прынамсі тры машыны хуткай дапамогі адвозілі людзей зь месца падзей. Навакольныя дзіцячыя ўстановы пад аховай.
Пазьней мясцовыя ўлады паведамілі, што чатыры чалавекі параненыя. Акрамя іх, нападнік быў паранены ў перастрэлцы з паліцыяй, знаходзіўся ў крытычным стане і ў хуткім часе памёр.