Лінкі ўнівэрсальнага доступу

Кіроўца аўтамабіля, што ўехаў у падземны пераход, быў пʼяны і ня меў правоў. ВІДЭА


Кіроўца аўтамабіля, што зьехаў у суботу вечарам па сходах у падземны пераход у Менску, быў пʼяны і ня меў правоў. Пра гэта паведамляе ГУУС Менгарвыканкаму.

Паводле міліцыі, гэты кіроўца на «Мазьдзе» ехаў па праспэкце Незалежнасьці, на скрыжаваньні з вуліцай Сурганава не спыніўся на чырвонае сьвятло і сутыкнуўся з «Ладай-вэста». Ад сутыкненьня «Мазда» выскачыла на ходнік і скацілася ў падземны пераход да станцыі мэтро «Акадэмія навук» каля Дому друку. Здарэньне адбылося каля 23:35, і абышлося без пацярпелых.

Міліцыя паведамляе, што кіроўца «Мазды» нарадзіўся ў 1971 годзе і меў некалькі крымінальных прысудаў за маёмасныя злачынствы. Яго затрымалі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG