Лінкі ўнівэрсальнага доступу

На Чарнігаўшчыне падраблялі прадукцыю беларускай «Камунаркі», заведзена крымінальная справа


Супрацоўніца менскай «Камунаркі»
Супрацоўніца менскай «Камунаркі»

Праваахоўныя органы Ўкраіны завялі крымінальную справу за незаконнае выкарыстаньне гандлёвай маркі менскай кандытарскай фабрыкі «Камунарка».

Цэх выпускаў какава-парашок і працаваў на тэрыторыі фэрмэрскай гаспадаркі «Гранд» у вёсцы Вярціеўка (Вертіївка — укр.) Нежынскага раёну Чарнігаўскай вобласьці.

Суд у межах расьсьледаваньня справы арыштаваў частку маёмасьці, у тым ліку пакавальныя матэрыялы з маркіроўкай «Камунаркі».

У той жа час кіраўнік фэрмэрскай гаспадаркі Ўладзіслаў Зубенка адмаўляе факт вырабу кантрафактнай прадукцыі.

«Я ня маю ніякага дачыненьня да гэтага. У мяне свая гандлёвая марка, яна зарэгістраваная. А гэтую справу я лічу праявай канкурэнцыі», — пераконвае ён.

Паводле яго, фасаваньне какава-парашку ёсьць асноўным відам дзейнасьці прадпрыемства «Гранд».

Крымінальная справа адкрытая паволе часткі 3 артыкулу 229 Крымінальнага кодэксу Ўкраіны — незаконнае выкарыстаньне знаку для тавараў і паслуг караецца штрафам ад 170 да 255 тысяч грыўняў (амаль 10 тысяч даляраў у эквіваленце).

Апроч таго, суд таксама можа пазбавіць асобу права займацца пэўнай дзейнасьцю і працаваць на пэўных пасадах на тэрмін да трох гадоў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG