У суботу ўвечары загінуў кіраўнік ураду самаабвешчанай Абхазіі 60-гадовы Генадзь Гагулія.
Як паведамляюць расейскія агенцтвы, аўтамабіль, у якім ехаў Гагулія, сутыкнуўся з сустрэчнай машынай. У катастрофе загінуў толькі абхазкі прэм’ер. Яго кіроўца і ахоўнік атрымалі траўмы.
Сутыкненьне адбылося ў Гудауцкім раёне самаабвешчанай рэспублікі. Паведамляецца, што Гагулія ехаў з аэрапорту Сочы, куды прыляцеў з Сырыі. Гэтая краіна нядаўна прызнала Абхазію, і Гагулія разам зь іншымі абхазкімі лідэрамі быў там зь візытам. У адным картэжы зь яго аўтамабілем ехала і машына кіраўніка Абхазіі Рауля Хаджымбы, ён не пацярпеў.
Сырыя — пятае дзяржава-сябра ААН, якая прызнала незалежнасьць Абхазіі і Паўднёвай Асеціі. Пераважная большасьць краін сьвету лічыць Абхазію часткай Грузіі.
