Паліцыя затрымала двух мужчын, якія падазраюцца ў закладаньні выбуховага прыстасаваньня ў гандлёвым цэнтры пры вуліцы Варшаўскай у Беластоку.
Як паведамляе Gazeta Wyborcza, падазраваныя мужчыны, 35-гадовы і 65-гадовы, зьяўляюцца супрацоўнікамі гэтага цэнтру.
Прымітыўнае выбуховае прыстасаваньне, якое, паводле сьледзтва, вырабіў у сваім доме на паддашшы малодшы з затрыманых, выбухнула ў цэнтры 3 верасьня. Ніхто не пацярпеў.
Абодвум мужчынам пагражае пакараньне зьняволеньнем да 10 гадоў.
