Лінкі ўнівэрсальнага доступу

Пэтыцыя ў падтрымку Сянцова на сайце Белага дому сабрала 100 тысяч подпісаў


Украінскія кінэматаграфісты, журналісты і грамадзкія актывісты разьмясьцілі на сайце Белага дому (petitions.whitehouse.gov) пэтыцыю ў падтрымку асуджанага ў Расеі паводле абвінавачаньня ў тэрарызьме рэжысэра Алега Сянцова. Да раніцы 6 верасьня яна ўжо сабрала 100 тысяч галасоў, а гэта значыць, што паводле закону Белы дом абавязаны адправіць яе на разгляд профільнага ведамства.

Ініцыятар глябальнай акцыі #SaveOlegSentsov Аляксандра Матвійчук паведаміла, што мэта пэтыцыі ў тым, «каб паказаць міжнародным партнэрам, што вызваленьне ўкраінскіх палітвязьняў — гэта пытаньне ня толькі Ўкраіны, але і ўсяго дэмакратычнага сьвету».

Сянцоў, які адбывае 20-гадовы турэмны тэрмін паводле абвінавачваньня ў тэрарызьме ў Расеі, абвясьціў бестэрміновую галадоўку 14 траўня. Асноўнае яго патрабаваньне — вызваліць усіх украінскіх палітвязьняў у Расеі. Сянцоў, паводле яго, мае намер «галадаць да сьмерці».

25 чэрвеня аб памілаваньні ўкраінца папрасіў расейскага прэзыдэнта Ўладзіміра Пуціна генэральны сакратар Рады Эўропы Турб’ерн Ягланд.

Сам Сянцоў адмовіўся прасіць Пуціна аб памілаваньні.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG