У ноч з 31 жніўня на 1 верасьня супрацоўнікі міліцыі затрымалі 18 чалавек за «расьпіцьцё алькагольных напояў» на вуліцы Зыбіцкай у Менску.
У затрыманьні ўдзельнічалі супрацоўнікі патрульна-паставой службы міліцыі і АМАП.
На затрыманых склалі адміністрацыйныя пратаколы паводле арт. 17.3 «Расьпіцьцё алькагольных, слабаалькагольных напояў ці піва, спажываньне наркатычных сродкаў у грамадзкім месцы ці зьяўленьне ў грамадзкім месцы ці на працы ў стане ап’яненьня».
Артыкул прадугледжвае штраф да 8 базавых велічыняў (196 рублёў). Пасьля складаньня пратаколаў затрыманых адпусьцілі.
