Лінкі ўнівэрсальнага доступу

Пяць заводаў на ўзмоцненым кантролі, адзін пад забаронай. Новыя прэтэнзіі Расеі да беларускіх харчоў  


Беларускае мяса
Беларускае мяса

Ад 31 жніўня Рассельгаснагляд забараняе пастаўкі прадукцыі зь менскага прадпрыемства «Малочны гасьцінец». Прадукцыя яшчэ пяці беларускіх вытворцаў пастаўлена на ўзмоцнены лябараторны кантроль.

Як адзначаецца на сайце расейскай Фэдэральнай службы па фітасанітарным і вэтэрынарным наглядзе, гэта зьвязана з парушэньнямі вэтэрынарна-санітарных патрабаваньняў Расейскай Фэдэрацыі.

Паведамляецца, што рэжым узмоцненага кантролю уведзены ў дачыненьні да вырабаў наступных прадпрыемстваў:

«Белавескія дэлікатэсы» (выяўленыя лекавых рэчываў какцыдыястатыкі, ў каўбасных вырабах)

«Квінфуд» (неадпаведнасьць гісталягічнага складу інфармацыі, заяўленай на маркіроўцы кансэрваў)

Слуцкі мясакамбінат (выяўленьне ДНК сьвіньні ў паўфабрыкаце зь ялавічыны)

Прыватнае прадпрыемства «15 Авеню» (выяўленыя бактэрыі групы лістэрый у салёнай рыбе)

Філія «Кааппрамгандаль» Пастаўскага райпа (выяўленыя бактэрыі групы лістэрэй у ялавічыне).

Пастаўкі з прадпрыемства «Малочны гасьцінец» часова прыпыненыя ў сувязі з паўторным выяўленьнем нітратаў у пітным малацэ.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG