Лінкі ўнівэрсальнага доступу

АМАП уламіўся ў кватэру да берасьцейскага блогера Пятрухіна зь ператрусам

абноўлена

Супраць берасьцейскага блогера праекту «Народны рэпартэр» Сяргея Пятрухіна заведзеная крымінальная справа за абразу міліцыянта.

Абноўлена: Міліцыянты зьвезьлі Пятрухіна ў кайданках. Куды і чаму – пакуль высьвятляецца, распавёў праваабаронца Раман Кісьляк. Паводле праваабаронцы, падчас ператрусу ў блогера ізноў забралі аргтэхніку, на пакупку якой ён раней зьбіраў грошы замест канфіскаванай.

Раніцай 30 жніўня блогер Сяргей Пятрухін запусьціў інтэрнэт-відэатрансьляцыю, на якой было чутно, што нехта ломіцца да яго ў дзьверы.

Сяргей Пятрухін, архіўнае фота
Сяргей Пятрухін, архіўнае фота

Пятрухін пасьпеў сказаць, што да яго ломяцца міліцыянты, як літаральна праз некалькі сэкунд да яго на кухню забег чалавек у адзеньні, падобным да формы АМАП, які ўдарыў па руцэ з па мабільным тэлефонам і закрычаў каб Пятрухін лёг тварам уніз. Блогеру загадалі закласьці рукі за сьпіну.

Потым стала чутно, як Пятрухіну зачытваюць санкцыю пракурора на ператрус. У Пятрухіна адабралі тэлефон і трансьляцыя перарвалася.

Праваабаронцы высьвятляюць акалічнасьці здарэньня.

На блогера «Народнага рэпартэру» Пятрухіна была заведзеная крымінальная справа за абразу міліцыянта. Не аднойчы ў ягонай кватэры ўжо ладзіўся ператрус.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG