15 жніўня ў менскім дзіцячым садку злавілі чатырохмэтровага пітона. Гаспадара зьмяі аштрафавалі агулам на 490 рублёў, піша агенцтва «Менск-Навіны» са спасылкай на Менскі гарадзкі камітэт прыродных рэсурсаў і аховы навакольнага асяродзьдзя.
Гаспадара пітона аштрафавалі за:
- парушэньне правілаў утрыманьня рэптыліі;
- адсутнасьць рэгістрацыі экзатычнай зьмяі паводле заканадаўства.
Свабода пісала, што 15 жніўня на тэрыторыі ясьляў-садку № 292 у Менску злавілі тыгровага пітона. Рэптыліі каля 5 гадоў, даўжыня — 4 мэтры, вага — 8 кіляграмаў.
