У другім квартале 2017 года сярэдні заробак «на рукі» у Літве быў 794 эўра, а ў другім квартале 2018 году — 892 эўра. За год ён вырас на 12,4%, або 98 эўра.
Часьцей рост даходаў адчувалі людзі зь невялікімі заробкамі, паведамляюць у Фондзе сацыяльнага страхаваньня Літвы. Заробкі 61% людзей, якія зарабляюць мінімум (400 эўра), павялічыліся больш чым на 10%.
«Цяжка ўзгадаць час, калі заробкі расьлі такімі тэмпамі», — цытуе delfi.lt дарадцу кіраўніка Фонду сацыяльнага страхаваньня Юліта Варанаўскен.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў