Лінкі ўнівэрсальнага доступу

Папа рымскі папрасіў прабачэньня за пэдафілію ў Касьцёле


Папа Францішак

Пантыфік назваў «зьверствамі» спакушэньне малалетніх.

Кіраўнік Рымска-каталіцкай царквы папа Францішак асудзіў сэксуальныя злоўжываньні з боку сьвятароў і публічна пакаяўся. Адпаведны ліст ён апублікаваў 20 жніўня. Пра гэта паведамляе Нацыянальнае грамадзкае радыё ЗША.

На днях амэрыканская калегія прысяжных апублікавала шматстаронкавы дакумэнт аб пэдафіліі сярод каталіцкага духавенства.

У сваім пасланьні Францішак абвінаваціў у «саўдзеле» тых царкоўных служкаў, якія, паводле яго слоў, вырашылі апраўдаць крыўдзіцеляў замест таго, каб абараніць хлопчыкаў і дзяўчатак ад дамаганьняў з боку сьвятароў.

Папа Францішак назваў «зьверствамі» тыя спосабы спакушэньня малалетніх, якія апісаны ў амэрыканскім дакумэнце. Сярод іх — парнаграфія, алькаголь, вэрбальны і фізычны гвалт.

Ад імя ўсёй царкоўнай супольнасьці ён «з ганьбай і пакаяньнем» прызнаў, што Касьцёл своечасова не адрэагаваў на той боль, які ён нанесла «шматлікім жыцьцям». Папа рымскі паабяцаў прыняць меры, аднак ня стаў іх канкрэтызаваць.

15 жніўня вялікае журы ў штаце Пэнсыльванія выпусьціла даклад, зь якога вынікае, што больш за 300 сьвятароў-пэдафілаў з 1950-х гадоў сэксуальна разбэсьцілі больш чым тысячу непаўналетніх у шасьці эпархіях штату. Праз два дні пасьля апублікаваньня дакладу прадстаўнік Ватыкану Грэг Бэрк заявіў, што каталіцкая царква асуджае сэксуальныя дамаганьні да дзяцей.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG