Лінкі ўнівэрсальнага доступу

Гіпэрінфляцыя ў Вэнэсуэле: калі хлеб каштуе больш за мільён


Антыўрадавыя пратэсты ў Вэнэсуэле

Паводле ацэнкі Міжнароднага валютнага фонду, інфляцыя ў Вэнэсуэле ў 2018 годзе можа дасягнуць мільёна працэнтаў. Пра прычыны крызісу ў эканоміцы краіны «Нямецкая хваля» перад дэнамінацыяй гаварыла з вэнэсуэльскім эканамістам Пабла Рафаэлем Гансалесам.

Вэнэсуэла ў панядзелак, 20 жніўня, перажыла буйную дэнамінацыю нацыянальнай валюты — ад курсу балівара «адрэзалі» цэлых пяць нулёў. А сам балівар прывяжуць да вэнэсуэльскай крыптавалюты Petro. Аднак факту гіпэрінфляцыі ў краіне гэта не адмяняе.

DW: Што зьяўляецца прычынай такога неверагоднага росту інфляцыі?

Гансалес: Урад Вэнэсуэлы ўвёў валютны кантроль, які замацаваў усе цэны на ўзроўні аднойчы праведзенай ацэнкі. Гэта і прывяло да краху, які мы цяпер бачым. Цяпер у Вэнэсуэле за 1 даляр даюць 2,5 мільёна балівараў. Гэта ў 17 разоў больш, чым афіцыйны абменны курс. Аднак адмена жорсткага валютнага кантролю для ўраду цалкам непрымальная.

— У чым праяўляецца інфляцыя для жыхароў Вэнэсуэлы?

— Месячны заробак у Вэнэсуэле складае 5,5 мільёна балівараў. Кіляграм мяса каштуе 10 мільёнаў. Мінімальная цана на хлеб на востраве Маргарыта — 1 мільён 400 тысячаў балівараў. Астранамічныя кошты ў Вэнэсуэле пазбаўленыя ўсялякай лёгікі. Больш за палову работнікаў у краіне, якія атрымліваюць мінімальны заробак, наўрад ці могуць на яе існаваць.

— Чаму ўрад так трымаецца за сваю валютную палітыку?

— Урад сьцьвярджае, што кантроль накіраваны на прадухіленьне адтоку валюты з краіны. Але адбываецца адваротнае. Валюта зьнікае, а людзі бяднеюць.

— Як ідуць справы з харчовым забесьпячэньнем?

— Гэта яшчэ адзін абсурд у паўсядзённым жыцьці вэнэсуэльцаў. Без урадавых прадуктовых кошыкаў CLAP, якія складаюцца з асноўных прадуктаў харчаваньня, многія людзі не маглі б харчавацца ў дастатковай ступені.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG