Лінкі ўнівэрсальнага доступу

Прэзыдэнт Турэччыны абвясьціў байкот амэрыканскай электроніцы


Рэджэп Эрдаган
Рэджэп Эрдаган

Прэзыдэнт Турэччыны Рэджэп Эрдаган раніцай 14 жніўня заявіў, што краіна пачынае байкот амэрыканскай электронікі.

«Мы будзем байкатаваць усе электронныя тавары вытворчасьці ЗША. У іх ёсьць iPhone, але на іншым канцы сьвету таксама вырабляюць Samsung, а ў нас саміх ёсьць Venus Vestel. Мы ўвядзем гэтыя абмежавальныя меры», — заявіў прэзыдэнт у Анкары.

Vestel — турэцкі вытворца бытавой электронікі і тавараў у галіне інфармацыйных тэхналёгій. Гэта адзін з найбуйнейшых прадаўцоў тэлевізараў у Эўропе пад маркай Vestel, таксама ён прадае лядоўні пад маркай Vestfrost і іншыя тавары пад маркамі Telefunken, Kendo, Maxwell, Celcus, Finlux, Electra. У 2014 годзе Vestel выйшаў на рынак смартфонаў з мадэльлю Venus, розныя мадэлі гэтага тэлефона прадаюцца па кошце ад 130 да 360 долараў.

Эрдаган падкрэсьліў, што рашэньне пра байкот — адказ на рашэньне ўладаў ЗША рэзка павялічыць тарыфы на турэцкую сталь і алюміній і агульнае пагаршэньне адносінаў дзьвюх краінаў. Напярэдадні прэзыдэнт Турэччыны абвінаваціў амэрыканскіх і іншых замежных інвэстараў у рэзкім падзеньні курсу турэцкай ліры, якая за апошнія пяць дзён страціла ў цане амаль 25%, столькі ж, колькі за ўвесь апошні год.

Эрдаган назваў дзеяньні Белага дома супраць Турэччыны і ліры «эканамічным тэрарызмам» і «ударам у сьпіну», заўважыўшы, што «краіна знаходзіцца ў аблозе, як у сфэры эканомікі, так і ў іншых галінах».

Аднак эканамічны дарадца Белага Дома Кевін Гасэт патлумачыў эканамічныя праблемы Турэччыны ў першую чаргу ўнутранымі прычынамі і заявіў у сувязі з гэтым: «Калі краіна адыходзіць ад лібэральнай дэмакратыі, ніхто не ведае, што можа здарыцца з яе эканомікай. Я думаю, гэта ўсё (праблемы) зьвязана менавіта зь нявызначанасьцю».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG