Лінкі ўнівэрсальнага доступу

Навуковец зьвярнуўся ў пракуратуру з нагоды разбурэньня «сьцяны Вітаўта» ў Горадні


Фрагмэнт абарончай сьцяны Старога замка меркавана XIV–XV стагодзьдзя разабралі на мінулым тыдні з дапамогай будаўнічай тэхнікі. Пасьля публікацыі Свабоды, гісторык і дасьледчык горадзенскага Старога замка Мікола Волкаў зьвярнуўся ў пракуратуру.

Навуковец просіць дзяржаўныя органы праверыць, як і чаму разабралі згаданы фрагмэнт, высьветліць, ці быў парушаны закон, і прыцягнуць да адказнасьці вінаватых.

Мікола Волкаў
Мікола Волкаў

Ён мяркуе, што працы на Старым замку маглі парушыць заканадаўства, бо «ідзе зьнішчэньне каштоўных архітэктурных элемэнтаў помніка, уключанага ў Дзяржаўны сьпіс гісторыка-культурных каштоўнасьцей».

Фота звароту ў пракуратуру
Фота звароту ў пракуратуру

Другая прычына звароту ў тым, што з-за разбурэньня старадаўніх муроў губляецца магчымасьць вывучэньня помніка. Раней у навуковым артыкуле Мікола Волкаў паказаў, што вежа, якую цяпер часткова разбурылі, у XIV–XV стагодзьдзях была брамай.

«Зьнішчэньне згаданага фрагмэнта не дазваляе нам вызначыць, якімі ў часы Вітаўта былі вароты Старога замка, а таксама турма для злачынцаў, што знаходзілася пад праездам брамы», — адзначае ў звароце гісторык.

Мікола Волкаў плянуе даслаць копію свайго ліста ў Міністэрства культуры.

Фрагмэнт сьцяны горадзенскага Старога замка меркавана XIV–XV стагодзьдзя разабралі 8 жніўня з дапамогай адбойніка. Памер разабранай муроўкі — каля 2–4 квадратных мэтраў. Па сьведчаньнях відавочцаў, на месцы пры гэтым не было навуковага кіраўніка рэканструкцыі і праектавальнікаў. Праём у сьцяне патрэбны, каб на схіл замкавай гары прайшла будаўнічая тэхніка. Яна будзе забіваць палі, каб умацаваць гару.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG