Лінкі ўнівэрсальнага доступу

Трамп паведаміў пра новыя тарыфы супраць Турэччыны


Турэцкая валюта моцна ўпала ў адносінах да даляра
Турэцкая валюта моцна ўпала ў адносінах да даляра

Прэзыдэнт ЗША Дональд Трамп абвясьціў, што ўхваліў павышэньне ўдвая тарыфаў на пастаўкі алюмінію і сталі з Турэччыны.

Трамп напісаў на сваёй старонцы ў Твітэры, што тарыф на алюміній будзе 20 працэнтаў, а на сталь 50 працэнтаў.

«...Турэцкая ліра хутка падае ў адносінах да нашага вельмі моцнага даляра... Нашыя адносіны з Турэччынай цяпер ня добрыя!».

1 жніўня ЗША ўвялі санкцыі супраць двух турэцкіх міністраў — кіраўніка МУС Сулеймана Сойлу і кіраўніка міністэрства юстыцыі Абдулхаміта Гюля.

Вашынгтон лічыць гэтых чыноўнікаў датычнымі да перасьледу амэрыканскага сьвятара Эндру Брансана.

Санкцыі ўведзеныя ў рамках «акту Магніцкага». Гэты дакумэнт дазваляе Міністэрству фінансаў ЗША уводзіць абмежаваньні адносна асоб, якія маюць дачыненьне да парушэньня правоў чалавека.

Эндру Брансан
Эндру Брансан

Амэрыканскі сьвятар Эндру Брансан жыве ў Турэччыне больш за 20 гадоў. У 2016 годзе ён быў затрыманы ў рамках расьсьледаваньня спробы перавароту. У канцы ліпеня сёлета яго выпусьцілі з турмы і зьмясьцілі пад хатні арышт.

У Вашынгтоне пры гэтым чакалі, што Брансана дэпартуюць на радзіму. Прэзыдэнт ЗША Дональда Трамп раней пагражаў Турэччыне санкцыі. Анкара тады заявіла пра гатоўнасьць прыняць меры ў адказ.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG