Лінкі ўнівэрсальнага доступу

На Лідчыне ўрачыста адкрылі помнік паўстанцам 1863 году


Фота з афіцыйнага сайту партыі БНФ

5 жніўня паміж вёскамі Малое Вольжава і Мохавічы ў Лідзкім раёне адбылося ганаровае афіцыйнае адкрыцьцё помніку паўстанцам 1863 году, які ўстанавілі ў ліпені 2018 году. Мэмарыял быў зроблены рукамі актывістаў апазыцыі Лідзкага раёну.

«Адбылося сапраўднае адкрыцьцё нашага народнага мэмарыяла і ўпершыню за 3 гады цырымонія ўшанаваньня паўстанцаў 1863 года», — распавёў сайту Pyx.by сябра Руху «За Свабоду» адзін з арганізатараў мерапрыемства Сяргей Пантус.

Удзельнікі цырымоніі зачыталі больш за 400 імёнаў паўстанцаў 1863 году з Лідзкага павету, кіраўнік мясцовай суполкі ТБМ, сябра Сойму Партыі БНФ Станіслаў Суднік распавёў пра наступствы паўстаньня для сем’яў і мястэчак. Сьвятары праваслаўнай аўтакефальнай царквы асьвяцілі помнік. Завершылася імпрэза канцэртам бардаў.

Помнік невяддомым паўстанцам 1863 году ў Лідзкім раёне
Помнік невяддомым паўстанцам 1863 году ў Лідзкім раёне

«Мы будзем дамагацца афіцыйнага прызнаньня помніка з боку ўладаў, унясеньня яго ў сьпіс гістарычных мясьцінаў рэгіёну, імкнуцца, каб зрабіць гэтае месца папулярным сярод моладзі, дзетак, каб настаўнікі зь цягам часу прывозілі іх сюды і распавядалі пра нашу гісторыю», — распавёў сябра руху «За Свабоду» Валер Мінец.

У 1863 годзе паміж вёскамі Малое Вольжава і Мохавічы адбыўся бой паміж касінерамі атраду Нарбута ды расейскім войскам. Тут загінулі і былі пахаваныя тры дзясяткі паўстанцаў. Краязнаўцы кажуць, што гэта быў атрад з Навагрудзкага павету, які прабіваўся на Віленшчыну і даў апошні бой расейскім карнікам.

Паводле актывіста Вітольда Ашурка, тады зьявіўся першы помнік на гэтым месцы, потым у 1995 годзе былі ўсталяваныя два дубовыя крыжы, быў стары польскі камень. Год таму за справу ўзяліся мясцовыя грамадзкія актывісты, якія працавалі над новай канцэпцыяй памятнага знака усё лета і працягнулі ў гэтым годзе. Аўтар мастацкага аздабленьня мясцовы мастак Максім Рунец.

На правядзеньне ўрачыстага адкрыцьця помніка мясцовыя ўлады пагадзіліся не адразу. Дазвол выдалі толькі пасьля няспынных скаргаў мясцовых актывістаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG