Лінкі ўнівэрсальнага доступу

У Кітаі зьнесьлі студыю мастака Ай Вэйвэя


Ай Вэйвэй

У Пэкіне зьнесьлі майстэрню мастака Ай Вэйвэя, які рэзка крытыкаваў урад Кітаю і выказваўся ў падтрымку кітайскіх праваабаронцаў. Сам мастак адзначыў, што будынак, дзе ён працаваў, разбурылі без паведамленьня.

Студыя Ай Вэйвэя працавала больш за дзесяць гадоў. Улады сьцьвярджаюць, што яго кантракт на арэнду скончыўся. У канцы ліпеня некалькі іншых галерэй у гэтым жа раёне паведамілі, што іх высяляюць, а тэрыторыю вакол чакае перапляніроўка.

Ай Вэйвэй вядомы ў многіх краінах. У 2011 годзе кітайскія ўлады адабралі ў мастака пашпарт. Ён правёў 4 гады пад хатнім арыштам. Ягонае імя было заблякаванае ў кітайскіх інтэрнэт-пошукавіках. У 2015 годзе Ай Вэйвэй пераехаў жыць у Бэрлін, дзе заснаваў студыю.

Ай Вэйвэй атрымаў сусьветную вядомасьць у 2008 годзе як адзін са стваральнікаў праекту алімпійскага стадыёну ў Пекіне. У кастрычніку 2011 году часопіс Art Review зьмясьціў Ай Вэйвэя на першы радок свайго рэйтынгу самых уплывовых дзеячаў сучаснага мастацтва.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG