Лінкі ўнівэрсальнага доступу

Памёр сьпявак Аляксандар Кулінковіч


Памёр заснавальнік і саліст гурту «Нэйра Дзюбель» Аляксандар Кулінковіч. Пра гэта паведамляяюць ягоныя сябры ў фэйсбуку са спасылкай на жонку.

Як даведалася Свабода, музыка памёр ад лёгачнай недастатковасьці ўчора ўвечары, паміж 20 і 21-й гадзінай. у 3-й бальніцы ў Менску.

Сталі вядомыя час і месца разьвітаньня з Аляксандрам Кулінковічам

Аляксандар Кулінковіч нарадзіўся ў Смалявічах 18 траўня 1972 года. Вучыўся ў ПТВ па спэцыяльнасьці сантэхнік. Адвучыўся на журфаку БДУ адзін год. Працаваў у моладзевых выданьняў.

У 1989 годзе Кулінковіч заснаваў гурт Neuro Dubel. Ён запісаў 16 альбомаў: 5 магнітаальбомаў і 11 студыйных.

Першы панк-рокер Беларусі. Вольскі, Варашкевіч і Будкін распавядаюць пра Кулінковіча

Гурт доўгі час быў пад забаронай, знаходзіўся ў так званых «чорных сьпісах». Кулінковічу адмаўлялі ў канцэртах, ня ставілі ў эфір на радыё.

У той жа час ён друкаваўся як калумніст у газэце «Советская Белоруссия».

Аляксандар Кулінковіч удзельнічаў у «Крамбамбулі» на самым пачатку праекта.

Аляксандар Кулінковіч: «Свабода альбо сьмерць»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG