Дзяржаўныя СМІ ў Беларусі будуць ствараць матэрыялы на замову дзяржорганаў.
Гэта прадугледжана дапаўненьнямі ва ўказ прэзыдэнта ад 17 траўня 2011 году № 192 «Аб падтрымцы асобных сродкаў масавай інфармацыі і некаторых арганізацый».
Адпаведны ўказ № 299 апублікаваны 2 жніўня на Нацыянальным прававым інтэрнэт-партале.
Дакумэнт удакладняе палажэньне аб правядзеньні дзяржаўнай палітыкі праз дзяржаўныя СМІ.
«Пад правядзеньнем дзяржаўнай палітыкі праз сродкі масавай інфармацыі маецца на ўвазе стварэньне рэдакцыямі на замову дзяржаўных органаў інфармацыйных паведамленьняў і (або) матэрыялаў, тэле- і (або) радыёперадач, накіраваных на забесьпячэньне дзяржаўных і грамадзкіх інтарэсаў, а таксама іх распаўсюд праз сродкі масавай інфармацыі, у тым ліку з выкарыстаньнем глябальнай кампутарнай сеткі інтэрнэт», — тлумачыцца ў дакумэнце.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў